Thursday, March 17, 2016

ഉടല്‍ പോയ കവിതകള്‍


ഈ കുറിപ്പ് നിനക്കുതന്നെ കിട്ടുമെന്ന് എനിക്കറിയാം
ഞാനിപ്പോള്‍ ചിറകറ്റ പക്ഷിയാണ്
മരിച്ചിട്ടും മരിക്കാതെ നിന്‍റെ വിരല്‍സ്പര്‍ശത്തിനായി
കൊതികൂടി നില്‍ക്കുന്ന ഒരു കിളി

ഞാന്‍ പാടുമ്പോള്‍ നിന്‍റെ പേരിന്‍റെ ഈണങ്ങള്‍
ശ്വാസവായുപോലെ പുറത്തെ ചൂടുകാറ്റിലേക്ക് പടരുന്നു
മണല്‍ത്തിട്ടകള്‍ ഇളകുന്നു, മഴ പെയ്യുന്നു
മഴയിലെന്‍ മുടിയിഴകള്‍ പൊഴിയുന്നു

നീ ജനിച്ചതേ എനിക്കു വേണ്ടിയായിരുന്നു
നിന്നെപ്പുണരാനാണ് ഞാനീ മുതുകില്‍  കുരിശ്ശേറ്റിയത്
മരുച്ചൂടില്‍ ആരും കാണാതെ യുദ്ധം ചെയ്തത്
ഉടല്‍ കീറിമുറിച്ച് ഉപ്പു പുരട്ടിയത്
എന്നിട്ടും ഈ കടല്‍ത്തീരത്ത് ആത്മാവൊഴിഞ്ഞ ഒരു കൂടാരമായി
ഞാനും എന്‍റെ കവിതകളും ഉപേക്ഷിക്കപ്പെട്ടു കിടക്കുന്നു..

Comments/അഭിപ്രായങ്ങള്‍
 

Copyright © 2011 കയ്പും മധുരവും. All Rights reserved
RSS Feed. This blog for Blogger. Faary ഫാരി Sulthana