Saturday, April 04, 2015

പൊരിവെയിലിലൊരു ഭ്രാന്തന്‍ മഴ


നിനക്കു നേരെ കണ്ണുകള്‍ പായിച്ചു
മുന്നോട്ടു നടക്കുമ്പോള്‍ പിറകില്‍ പെയ്യാന്‍ വിതുമ്പി
ഒരു മഴമേഘം എന്നെനോക്കി നെടുവീര്‍പ്പിട്ടു

പനിയായ് തഴുകിയും പതിവായ്‌ വിളിച്ചുണര്‍ത്തിയും
തല നനക്കും പേമാരിയായും കൂടെനടന്നൊരു ബാല്യകൌതുകം
ഇടവഴിയിലെ കലക്കവെള്ളത്തില്‍ പരല്‍മീനിനെ തിരഞ്ഞു-
നിരാശപൂണ്ട് മാറിടത്തില്‍നിന്നും മുടിക്കെട്ടെടുത്തു
പിറകിലേക്കെറിഞ്ഞു ചവിട്ടിത്തുള്ളി-ക്കടന്നുപോയപ്പോഴും
അരികില്‍ നീയുണ്ടെന്ന തോന്നലായിരുന്നു..

പിന്നെവന്ന ഗസലുകള്‍ക്കെല്ലാം നിന്റെ പേരും
നിലാവിന്റെ തിളക്കമുള്ള പുഞ്ചിരിയും മൊഞ്ചും
നിന്റെ മണവും

നീ പോയ രാവും മഴപെയ്തു
'പ്രണയം' 'പ്രണയം' എന്നലറിക്കരഞ്ഞൊരു ഭ്രാന്തന്‍ മഴ!
പിന്നീടു ഞാന്‍ ജീവന്‍ പൊട്ടിമുളയ്ക്കാന്‍ പറ്റിയൊരു പച്ചപ്പും 
തേടിയലഞ്ഞു പൊരിവെയിലിലീ മരുഭൂവിലേക്കു പോന്നു!
 

Copyright © 2011 കയ്പും മധുരവും. All Rights reserved
RSS Feed. This blog for Blogger. Faary ഫാരി Sulthana