Saturday, December 13, 2014

നിനക്കുള്ള ചോദ്യം


ഒരു ചോദ്യത്തിന് പോലും പ്രിയനേ
നിന്നെ-യുരുക്കാന്‍ കഴിഞ്ഞിട്ടില്ല
നിനക്കുവേണ്ടി ഞാനുരുകുമ്പോഴും വെയിലേല്‍ക്കാതെ നീ
മാറിനിന്നതാണോ നിനക്കുള്ളിലേ-യെന്‍ ജീവന്‍!

ഒരു മഴക്കുപോലും നിന്നെ നനക്കാനായിട്ടില്ല
ഒരു തീയും നിനക്കുചാരേക്കുയര്‍ന്നു-പൊങ്ങിയിട്ടില്ല
അഗ്നിക്കും ജലത്തിനും ആര്‍ത്തിരമ്പും കടലിനും
പിടികൊടുക്കാതെ ഞാനിവിടംവരെ നിന്നെ...

ഇനി നീയൊരൊറ്റമരംപോല്‍ പെയ്യണം, ഇടിമിന്നലായി-
പെയ്തു തീരണം, നിനക്കുവേണ്ടി.. നിന്റെ ജീവനുവേണ്ടി..
'നമുക്കിടയിലെ മൌനം ഇനിയുമെത്രനാള്‍ നീണ്ടുപോകു'മെന്നത്
എനിക്കു നിന്നോടുള്ള അവസാനത്തെ ചോദ്യമാകുന്നു

അഭിപ്രായങ്ങള്‍ / Comments

 

Copyright © 2011 കയ്പും മധുരവും. All Rights reserved
RSS Feed. This blog for Blogger. Faary ഫാരി Sulthana