Friday, September 09, 2011

ഇല്ലാതെ പോകുന്നവ




പ്പോള്‍ എനിക്കും തോന്നിത്തുടങ്ങി,
എന്തൊക്കെയോ ഇല്ലാതെ പോകുന്നുവെന്ന്!
എന്താണെന്ന് ആലോചിക്കുംതോറും തല പുകയുന്നു
കൈകാലുകള്‍ വിറക്കുന്നു
ഭ്രാന്ത് പിടിക്കുന്നു.

ഇപ്പോള്‍ ഞാനുമറിയുന്നു,
ഇല്ലാതെ പോകുന്നതൊക്കെ എനിക്ക് മാത്രമല്ലെന്ന്
എന്നെപ്പോലുള്ള അനേകര്‍ക്ക്
എന്നെക്കാള്‍ ആവശ്യങ്ങള്‍ അധികമുള്ളവര്‍ക്ക്
എന്നോളം ചെറുതല്ലാത്ത പലര്‍ക്കും പലപ്പോഴും..

ഇപ്പോള്‍ ഞാന്‍ ചിന്തിക്കുന്നത്
എന്തൊക്കെ നഷ്ട്ടപ്പെട്ടു എന്നാണ്.

മതം..
ദൈവം..
വിശ്വാസം..
സ്നേഹം..
സൌഹാര്‍ദം..
വാല്‍സല്യം...
കൂടപ്പിറപ്പിനെ പോലും കാണാനുള്ള കാഴ്ചയും
കൂട്ടത്തിലുള്ളവരുടെ കൈ പിടിക്കാനുള്ള സന്‍മനസും!

ഇന്ന്,
എന്റെ നാല് വയസുള്ള മോനോട് അയല്‍ ഫ്ലാറ്റിലെ രഞ്ജിനി-
ഓണാശംസകള്‍ പറഞ്ഞു.
അതെന്താണെന്ന് മോന്‍!
എനിക്ക് പറയാന്‍ ശരിയായൊരു ഉത്തരമില്ല.
ഉണ്ടായിരുന്ന ഉത്തരങ്ങളൊക്കെ കാലം കൊണ്ട് പോയി.

പൂക്കള്‍ക്ക് വളരാന്‍ മണ്ണില്ല
പൂക്കളമിടാന്‍ മുറ്റമില്ല
ഊഞ്ഞാല് കെട്ടാനുള്ള കയറില്‍ കര്‍ഷകര്‍ തൂങ്ങിയാടി
ഉരുളച്ചോറില്‍ സര്‍വത്ര മായം
സദ്യ ഒരുക്കാന്‍ സമയമില്ല
'ഓണസദ്യ' വിറ്റ്‌ ഹോട്ടലുകാര്‍ ഏമ്പക്കമിട്ടു
മനുഷ്യര്‍ മനുഷ്യനെ മറന്നു തുടങ്ങി...
എങ്കിലും,
പറയാതിരിക്കുന്നതെങ്ങനെ!

"ഹൃദയംനിറഞ്ഞ ഓണാശംസകള്‍ "
________________________________________________

അഭിപ്രായങ്ങള്‍ / Comments
 

Copyright © 2011 കയ്പും മധുരവും. All Rights reserved
RSS Feed. This blog for Blogger. Faary ഫാരി Sulthana